HAQQIMIZDA

Baş direktordan məktub

Garabagh Resort & SPA 600 ildən çox öz müalicəvi xüsusiyyətləri ilə dünyada tanınmış unikal naftalan yağının yataqları yerləşən Naftalan kurort zonasının gözəl və füsunkar ərazisində yerləşir.

Garabagh Resort & SPA sadəcə geniş parkın kölgəsində yerləşən dəbdəbəli hotel deyil, həm də sağlam həyat, rahatlanma və yüksək qastronomik mətbəxin vəhdətidir.

Burada personalın mehriban və diqqətli rəftarı həmişə xoş atmosfer yaradır. Rahat otaqlar, əfsanəvi naftalan yağı əsasında müalicəvi proqramlarının, həmçinin ənənəvi və xüsusi SPA proqramlarının geniş seçimi keyfiyyətli istirahət və həyat tonusunun bərpasına xoş təsir göstərir. Sakitlik, rahatlıq və dəbdəbə burada hökm sürür.

Mütəşəkkil infrastruktura və müasir şəraitə malik hotel öz qonaqlarına gözəl otaqlar, dadlı mətbəx, uşaqlar və böyüklər üçün müxtəlif əyləncələr təklif edirAzərbaycan qonaqpərvərliyi aləminə xoş gəlmisiniz!

Tariximiz

Azərbaycan təbiətinin zəngin müalicəvi xüsusiyyətlərə malik nemətləri uzun illərdən bəri ən müxtəlif xəstəliklərin müalicəsi və profilaktikasında uğurla tətbiq olunur. Bunlardan biri olan, yüksək bioloji aktivliyi ilə seçilən Naftalan yağının şəfalı gücü hələ 600 il əvvəl insanlığa məlum idi. Naftalan yağı dünyada yalnız bir yerdə, Gəncə şəhərindən 45 km aralıda, Cənubdan, şərqdən və qərbdən dağlarla əhatə olunmuş dəniz səviyyəsindən 450 metr yüksəkdə olan Kiçik qafqazın yamaclarında əldə olunur. Bu yerin quraq yayı və mülayim qışı ilə fərqlənən subtropik iqlimi var.

Dahi Azərbaycan şairi və mütəfəkkiri Nizami Gəncəvi (1141-1201) öz əsərlərində, indiki Naftalan şəhəri yaxınlıqında yerləşən tarixi Səfikürd kəndindən möcüzəvi naftalan yağının karvanlarla ixrac olunduğunu qeyd etmişdir.

Naftalan yağının mənşəyi haqqında bu günə əsas fundamental hesab edilən nəzəriyyə onun üzvi mənşəli olması və təqribən 50 milyon il ərzində yer təkində formalaşmasıdır.